Նոյեմբերի 26-ին Դիլիջան կայցելի ՀՀ նախագահ Սերժ Սարգսյանը: Նախագահը, ի թիվս այլ գործերի, կատարելու է նոյեմբերի 13-ին Իջեւանում տեղի ունեցած քաղաքապետի ընտրություններում ՀՀԿ անդամ Վարուժան Ներսիսյանի պարտության պատճառների քննարկում: ՀՀԿ-ին մոտ կանգնած մեր աղբյուրները նշում են, որ միայն մարզի ազգային անվտանգության, մարզային ոստիկանության եւ ԵՊՀ Իջեւանի մասնաճյուղի ղեկավարությունն է աշխատել Վարուժան Ներսիսյանի օգտին:
Իջեւանի ընտրություններից հետո Տավուշի մարզպետի համար ՀՀ նախագահ Սերժ Սարգսյանի մոտ բարեխոսել է Սյունիքի մարզպետ Սուրիկ Խաչատրյանը: Վերջինս չնայած հարվածել է գործարար Սիլվա Համբարձումյանին, սակայն պաշտոնանկ չի արվի, քանզի կարողանում է Սյունիքում ձայներ ապահովել ՀՀԿ-ի համար: Նույն աղբյուրների պնդմամբ, Սուրիկ Խաչատրյանի կողմից գործարար կնոջը հարվածելու պահին, Խաչատրյանի կողքին «Մարիոթ» հյուրանոցում Տավուշի մարզպետ Արմեն Ղուլարյանը պատահական չէր գտնվում. նա Սուրիկ Խաչատրյանին խնդրում էր, որ վերջինս իրեն պաշտոնանկ չանելու համար միջնորդի Սերժ Սարգսյանին:
Ոսկան ՍԱՐԳՍՅԱՆ
