«Ակնհայտ ապօրինի կերպով հերթական անգամ Հայաստանի ոստիկանությունը չարաշահում է իր լիազորությունները, խոչընդոտում մարդկանց ազատ տեղաշարժին, խոչընդոտում նաեւ հասարակական բողոքը հասցեատիրոջը հասցնելու մեր ձեւը»,- այսօր՝ Մարդու իրավուքների պաշտպանության օրը, Aravot.am-ին ասաց Հելսինկյան քաղաքացիական ասամբլեայի Վանաձորի իրավապաշտպան կառույցի ղեկավար Արթուր Սաքունցը: Ինչպես արդեն տեղեկացրել էինք, ՌԴ դեսպանատան դիմաց պիկետի անցկացումն արգելվեց ԱԱԾ եւ Հայաստանի ոստիկանության աշխատակիցների կողմից: Նրանք արգելեցին լրագրողներին եւ պիկետի մասնակիցներին կանգնել դեսպանատան տարածքում եւ ոստիկանանական ուժերի միջոցով ստիպեցին իջնել դեպի Երեւանի քաղաքապետարան: Այստեղ քաղաքացիների եւ ոստիկանության աշխատակիցների միջեւ վիճաբանություն եղավ, որը հետո վերածվեց լեզվակռվի: Ավելի ուշ բանակցություններից հետո կողմերը համաձայնության եկան, եւ բողոքի ակցիայի մասնակիցները հավաքվեցին Զաքյան փողոցի մոտ:
Մանրամասները՝ տեսանյութում
Լուսինե ԽԱՉԱՏՐՅԱՆ
