«Նա պետք է կատարի իշխանությունների հրահանգը»,- aravot.am-ի խնդրանքով հակադարձելով «Մարտի 1»-ի գործով քննչական խմբի նոր ղեկավար Վաղինակ Ջանազյանի դիտարկմանը, թե այդ գործով թերի քննված դրվագներ չկան, ասաց ՀԱԿ մամուլի խոսնակ Արման Մուսինյանը: Մեր զրուցակիցը նաեւ հավելեց. «Մարտի մեկի» գործն այս իշխանությունների օրոք չի բացահայտվելու. դա փաստ է: Բայց, մենք անպայման այդ գործը բացահայտելու ենք, որովհետեւ, ըստ էության, դրա բացահայտումն այլեւս տեխնիկայի հարց է, երբ որ կան բազմաթիվ ապացույցներ եւ որեւէ դժվարություն չկա 10 քաղաքացիներին սպանողներին գտնելու հարցում: Քանի դեռ այս իշխանությունն է, հույս չունենաք, որ այս իշխանությունը մատը-մատին կտա՝ մարդասպաններին բացահայտելու համար: Այս իշխանությունը միայն կարող է անմեղ մարդկանց բանտերը նետել, խոշտանգել, հետապնդել»:
Նելլի ԳՐԻԳՈՐՅԱՆ
