«Հայաստանում չկա կարգապահություն եւ այն հաստատելու համար լուրջ քայլեր չեն արվում: Այդ են վկայում բանակում զինվորների աճող մահերը: Անընդունելի է յուրաքանչյուր հայ զինվորի մահը մեկ այլ հայ զինվորի ձեռքով »,- այսօր «Հենարան» ակումբում տեղի ունեցած ասուլիսի ժամանակ՝ Հայաստանի ներքին քաղաքականությանն անդրադառնալով, ասաց Տարածաշրջանային հետազոտությունների կենտրոնի տնօրեն Ռիչարդ Կիրակոսյանը:
Նրա կարծիքով, պաշտպանության նախարար Սեյրան Օհանյանին պետք է համակարգը մաքրելու իշխանություն տալ, որ նա լիազորություններ ունենա համակարգից հեռացնելու այն սպաներին, որոնք չեն վաստակել սպայի համազգեստը կրելու իրավունքը. «Սպա պետք է լինեն նրա համար՝ ինչ են անում այսօր, ոչ թե ինչ են արել երեկ: Բանակը մեզ՝ բոլորիս է պատկանում եւ կառուցողական ներդրումների կարիք կա»:
Պարոն Կիրակոսյանի խոսքերով, պաշտպանության նախարարը պետք է մարտահրավեր նետի գլխավոր շտաբի պետ Յուրի Խաչատուրովին ու գնդապետ Միքայել Հարությունյանին. « Եվ այն բոլոր սպաներին, որոնք իրենց պաշտոնները ձեռք են բերել ու պահում են միայն նրա համար, որ Ղարաբաղում կռվել են»:
Արփինե ՍԻՄՈՆՅԱՆ
