Ցավում եմ, որ Էդուարդ Շարմազանովը ինքն իրեն կարգեց խորհրդատու, ինչի համար առնվազն անհրաժեշտ է ապրած սեփական կենսագրությամբ դրա իրավունքը նվաճել:
Երիտասարդ պատգամավորը փորձել է խուսափել ասելիքիս բուն իմաստից, թե ինչ ճանապարհով այսօր կարելի է ազատ ու արդար ընտրությունների միջոցով ձեւավորել վստահություն ներշնչող ԱԺ, այդ թվում նաեւ այս փուլում հրաժարվելով մեծամասնական համակարգից, եւ խոսքիս միայն մեկ հատվածին անդրադառնալով` անցել է բարոյախրատական քարոզի, ինչը կարելի է դիտարկել երեսպաշտության դրսեւորման դասական օրինակ:
Եթե պարոն Շարմազանովը իսկապես համոզված է իր մոտեցումների ճշմարտացիության մեջ, ես նրան հրավիրում եմ ուղիղ եթերում հեռուստատեսային բաց բանավեճի: Կասկածում եմ, որ նա կհամաձայնի առաջարկությանս, որովհետեւ ստիպված կլինի հրապարակավ պաշտպանել սուտը, կեղծիքը, կոռուպցիան, պլուտոկրատիան, հանցագործություներն ու շատուշատ բաներ, որոնք այսօր բացահայտ խոչընդուտում են պետության կայացմանը:
Իսկ երիտասարդ պետական գործիչին Ամանորին ցանկանում եմ համեստություն եւ հասունություն:
Կարդացեք նաև
Ռուբեն Հակոբյան
«Ժառանգություն» կուսակցության վարչության փոխնախագահ
