Թուրք ծանրորդուհի, 48 կգ քաշային կարգում Աթենքի օլիմպիական խաղերի չեմպիոն Նուրկան Թայլանը բռնվել է դոպինգ օգտագործած լինելու մեջ: AP գործակալությունը տեղեկացնում է, որ պատժաչափը որոշելու է ծանրամարտի միջազգային ֆեդերացիան (IWF) եւ ըստ գործող կարգի նրան չորս տարվա որակազրկում է սպասվում:
Իսկ թուրքական «Todays Zaman»-ը ցավով հիշեցնում է, որ 28-ամյա Տուրկանն օլիմպիական չեմպիոնի կոչում նվաճած առաջին թուրք կինն էր: Բացի դա, Թայլանը մարզական խարդախ կարիերայի ընթացքում դարձել է աշխարհի 2010 թվականի, ինչպես նաեւ Եվրոպայի վեցակի չեմպիոն: Առայժմ նրա անվան դիմաց է գրանցված նաեւ աշխարհի մեկ ու Եվրոպայի վեց ռեկորդ:
Աշոտ ՀԱԿՈԲՅԱՆ
