Ինչպես տեղեկացրել ենք, երեկ Գյումրու պոլիտեխնիկական ինստիտուտի նախկին, կիսաքանդ շենքում հայտնաբերվել էր 21-ամյա Մարի Դավթյանի այրված ու գազանների կողմից հոշոտված դին: Ավելի ուշ պարզվել էր, որ նրան այրողը եղել է 51-ամյա Գևորգ Թադևոսյանը, որ կառույցի նկուղային հարկում դաժանաբար ծեծել, ապա կպչուն ժապավենով կապել ու այրել էր 1-ամյա երեխայի մորը:
Պարզվեց նաև, որ նույն անձը մեկ շաբաթ առաջ այրել էր երիտասարդ կնոջ տնակը: Թե որն էր եղել այդպես դաժանաբար հաշվեհարդար տեսնելու պատճառը, մեր աղբյուրների փոխանցմամբ, իբրև թե դստերը անբարոյականության ճանապարհից հետ կանգնեցնելը:
Բանն այն է, որ Գևորգի 19-ամյա դուստրը` Ալվարդը, ընկերություն է արել 21-ամյա Մարիի հետ, երկուստեք զբաղվել են մարմնավաճառությամբ`յուրաքանչյուր հաճախորդից գանձելով 1000-ական դրամ: Հայրը բազմիցս զգուշացրել է Մարիին հեռու մնալ իր աղջկանից, այլապես «կդնի ու նրան կվառի»: Սակայն Մարին շարունակել է «ռեյդի» դուրս գալ Գևորգի դստեր հետ, որի պատճառով էլ հայրը որոշել է վրեժ լուծել:
Նշենք, որ սա Գևորգ Թադևոսյանի դստեր համար կատարված առաջին մարդասպանությունը չէ. 2009թ.-ին Գևորգի որդին իր 4 ընկերների հետ դարձյալ այրելով սպանեց մեկին, որն իբրև փորձել էր բռնաբարել քրոջը`այն ժամանակ անչափահաս, սակայն արդեն իսկ ամուսնացած ու բաժանված 16-ամյա Ալվարդին:
Կարդացեք նաև
Հետաքրքիրն այն է, որ այդ ժամանակ ևս այրված, սակայն դեռ չմահացած տղամարդուն կենդանի թաղել էին՝ թաքցրել էին պոլիտեխնիկական ինստիտուտի տարածքում, Ալվարդի եղբայրն այժմ Արթիկի գաղութում է:
Փաստորեն, Ալվարդի պատճառով հայրն ու եղբայրը դարձան մարդասպան, որոնք մարմնավաճառ աղջկա համար ամեն անգամ մեղավորներ փնտրելով` նրանց ոչ ավել, ոչ պակաս Լինչի դատաստանի են ենթարկում` խարույկի վրա այրում:
Այս թեմայի շուրջ ավելի մանրամասնորեն կտեղեկացնենք առաջիկայում:
Նունե ԱՐԵՎՇԱՏՅԱՆ
Տեսանյութը՝ «Գալա» հեռուստաընկերության
