Այսօր Կենտրոնական ընտրական հանձնաժողովի արտահերթ նիստի ընթացքում քննվեց «Ընտրությունը քոնն է» հ/կ-ի դիմումը, որով կազմակերպությունը մտահոգություն էր հայտնել դիտորդների անկողմնակալ գործունեության առումով: Մտահոգությունը, մասնավորապես վերաբերում էր դիտորդական առաքելության իրականացմանն առնչվող դրույթի բացակայությանը , որով երաշխավորվում է ր դիտորդների առանց ներազդեցությունների, անկողմնակալ գործունեությունը:
Ընտրությունների ընթացքի եւ ամփոփման վերաբերյալ կարծիք հայտնելու համար պատասխանատվության չենթարկելու օրենսդրական դրույթը փոփոխված օրենսգրքում մշտապես եղել է «Ընտրական օրենսգրքի» հոդված 31-ի 6-րդ կետով, ինչը 2011-ին ԱԺ վերջին ընթերցմամբ՝ առանց լուրջ քննարկումների, մեխանիկորեն հանվել է:
Նշված գրությամբ, կազմակերպությունը հանձնաժողովից խնդրում էր սահմանել իրավական նորմ, որով կլրացվի ՀՀ ընտրական օրենսգիրքը:
ԿԸՀ-ն, սակայն, մերժեց կազմակերպության դիմումը՝ հիմք ընդունելով այն, որ նշված գործառույթի իրականացման համար ԿԸՀ իրավասությունները հստակ սահմանված են ընտրական օրենսգրքով:
Կարդացեք նաև
Արփինե ՍԻՄՈՆՅԱՆ
