Որքան քիչ զգեստ է կրում կինը, այնքան երկար կարող է ապրել: pulsplus.ru-ի փոխանցմամբ, նման եզրակացության է եկել բիտանացի անթրոպոլոգ Էդվին Բարկհարտը 10-ամյա ուսումնասիրությունների արդյունքում, որին մասնակցել է 70 եւ ավելի տարեկան` շուրջ 5000 կին: Վերլուծությունների արդյունքները ապշեցրել են մասնագետին. Ինչքան քիչ զգեստ են կրել հարցվածները, այդքան երկարակյաց են եղել ու ապրել մինչեւ զառամյալության տարիք: Այդ տարօրինակության բացատրությունը, ըստ գիտնականի հետեւյալն է. առաջին` հագուստը, կտորեղենը ներծծված են քիմիական նյութերի տարրերով, որոնք, փոխազդելով մարդկային քրտինքի հետ, կարող են թափանցել մաշկի տակ ու բացասաբար անդրադառնալ առողջության վրա, անգամ քաղցկեղ առաջացնել: Հետեւաբար, որքան քիչ զգեստ, այնքան քիչ ռիսկ: Բացի դրանից, բաց զգեստների սիրահարները ավելի շատ են հոգ տանում իրենց մասին եւ ավելի բաց են շփումների առումով: Եվ երրորդ, այդպիսի կանայք ավելի հաճախ են սեքսով զբաղվում, ինչը եւս երկարակեցության գրավական է: Այս ամենի հանրագումարում, ստացվում է` ճիշտը քիչ հագուստ կրելն է:
