Ապրիլի 3-ի երեկոյան ընկերուհուս՝ Կարինե Քալանթարյանի հետ, ճաշում էինք Հյուսիսային պողոտայի «La Bohem» սրճարանում: Նույն վայրում էին նաեւ Կիրո Մանոյանն ու Խաչատուր Սուքիասյանը: Երկուսի հետ էլ զրուցեցինք, պրն Սուքիասյանի հետ՝ մի քիչ ավելի երկար: Հետո վերջինս նստեց մեքենան ու հեռացավ: Սրճարանի լիովին ապակեպատ պատուհաններից, որտեղից երեւում է պողոտայի այդ հատվածի ամբողջ երթեւեկը՝ չերեւաց, թե ինչ որ արտասովոր բան է կատարվել, ու մենք, փաստորեն, «սկանդալի» ակամա վկաներն ենք:
Որեւէ անհրաժեշտություն չէր լինի այս ամենի մասին պատմելու, եթե ԶԼՄ-ներից մեկից հետո «չտեղեկանայի», որ իրականում այդ սրճարանում եղել է Սարիբեկ Սուքիասյանը, եւ ավելին՝ «տղայական վիճաբանություն» է եղել, ծեծկռտուք ու դեռ Սարիբեկ Սուքիասյանն էլ, վերնագրից դատելով, ծեծի է ենթարկվել…
Սակայն ինչ… անչափ մեղմ ասած, յուրօրինակ է լրագրողի գործը:
Բայց դե նաեւ պարզ է՝ ընտրարշավը սկսվել է:
Կարդացեք նաև
Աննա ԻՍՐԱՅԵԼՅԱՆ
Հ. Գ. Նոր «ստուգված» լուրերի տեղիք չտալու համար պարզաբանեմ՝ Սուքիասյանն ու Մանոյանը նույն սեղանի շուրջ չէ, որ նստած էին:
