Սկսնակ և տաղանդավոր ռեպեր Աշոտ Արսենյանը, ով լսարանին ներկայանում է FEKA 23 կեղծանվամբ, այժմ ապրում և ստեղծագործում է Ֆրանսիայում: Մեր վիրտուալ ժամադրությանը նպաստեց odnoklassniki.ru սոցիալական ցանցը, որի միջոցով էլ իրականցրեցինք հետաքրքիր հարցազրույց:
- Ինչո՞վ է պայմանավորված FEKA 23 կեղծանունը, որով հայտնի ես քո լսարանին:
Գիտենք, որ ռեպը առաջացել է սևամորթներից, այն նրանց արյան մեջ է, դրա համար էլ ես որոշեցի ներկայանալ FEKA անունով, որը հունարերենից թարգմանաբար նշանակում է սևամորթ, իսկ 23 թիվն ինձ համար խորհրդանշական է, շատ դրական բաներ կան կապված այդ թվի հետ:
- Ինչպե՞ս որոշեցիր ստեղծագործել հենց ռեպի ժանրում:
Մինչ ռեպով հետաքրքվելն ու զբաղվելը, միշտ զգացել եմ, որ ինչ-որ մի բան պակաս է, կիսատ իմ կյանքում: Ռեպն ինձ գրավեց իր անսահման ազատությամբ. այստեղ դու ազատ ես, չկան սահմաններ ու արգելքներ, հանգիստ կարող ես արտահայտել այն ամենը, ինչ զգում ես ու ապրում:
3. Գիտեմ, որ համագործակցում ես ՀՏ Հայկոյի ու մնացած ռեպերների հետ. կպատմե՞ս՝ ինչպե՞ս ծանոթացաք ու որոշեցիք միասին աշխատել:
Իմ մոտ ամենինչ միանգամից ու շատ կարճ ժամանակում ստացվեց: ՀՏ Հայկոյի հետ ծանոթացել եմ 2010թ-ին, երբ նոր էի հետաքրքրվում ռեպով, իսկ արդեն 2011թ-ին ձայնագրեցի իմ առաջին երգը` «Գեղցի աղջիկը», որի երաժշտության հեղինակը ՀՏ Հայկոն է: Այդ ժամանակ ծանոթացա նաև ռեպեր Սենչոյի հետ, ով ըստ իս, ունի յուրահատուկ մատուցում ու տարբերվում ա մյուսներից: Ընդհանրապես, ի տարբերություն երգիչների, ռեպերներն իրար հետ համագործակցում են ու միմյանց օգնում:
4. Քո և Սենչոյի համատեղ տեսահոլովակը մեծ արձագանք ունեցավ YouTube կայքում: Ու՞մն էր դուետի և տեսահոլովակի գաղափարը:
Feat-ի գաղափարն իմն էր, իսկ տեսահոլովակինը` Սենչոյինը: Շուտով նոր երգեր պիտի ձայնագրեմ, կան հետաքրքիր մտքեր, որոնց մասին դեռ չեմ ուզում մանրամասնել:
5 .Լինելով ռեպեր` բնականաբար երգերիդ խոսքերն ինքդ ես գրում, ո՞րն է քո երգերի հիմնական ասելիքն ու նպատակը:
Իմ երգերում չկա կոնկրետ ուղղվածություն, իսկ ասելիքը տարբեր ժամանակ տարբեր է լինում:
6. Այս ասպարեզում ո՞րն է քո երազանքը, որին ցանկանում ես հասնել, արտասահմանյան հայտնի ռեպերներից ո՞ւմ հետ կուզենայիր դուետ ունենալ:
Ես չեմ ընդունում երազանք հասկացությունը, կարծում եմ, որ ամեն ինչ հնարավոր է ու քո ձեռքում է, իսկ դուետ ունենալու մասին դեռ չեմ մտածել…միգուցե Անգլիայի թագուհու հետ ( ժպտում է 🙂 ):
Քրիստինե Խլղաթյան
