ԵԱՀԿ-ի գործող նախագահ, Իռլանդիայի փոխվարչապետ եւ արտգործնախարար Էյմոն Գիլմորը հաջորդ շաբաթ կայցելի Հայաստան, Վրաստան եւ Ադրբեջան։
Ինչպես տեղեկացնում է ԵԱՀԿ-ի պաշտոնական կայքէջը, Գիլմորը Երեւանում կլինի հունիսի 11-12-ը, Թբիլիսիում` հունիսի 12-13-ը, եւ Բաքվում` հուլիսի 13-14-ը։
Նախատեսվում են ԵԱՀԿ-ի գործող նախագահի հանդիպումները երեք պետությունների ղեկավարների եւ քաղաքական կուսակցությունների ներկայացուցիչների հետ` քննարկելու տարածաշրջանում կազմակերպության աշխատանքին առնչվող հարցեր։
Էյմոն Գիլմորը այցի ընթացքում քննարկելու է նաեւ Լեռնային Ղարաբաղի հակամարտության կարգավորման գործընթացը եւ 2008 թվականի ռուս – վրացական պատերազմին հաջորդող իրավիճակին առնչվող հարցեր, քանի որ, ինչպես նշված է հաղորդագրությունում, «ԵԱՀԿ-ի տարածաշրջանում ձգձգվող հակամարտությունների երկարատեւ լուծման ուղղությամբ առաջընթացը ԵԱՀԿ-ի իռլանդական նախագահության կարեւոր առաջնահերթություններից է»։
