Այսօր Թաիլանդում ավարտվեց ըմբշամարտի աշխարհի երիտասարդական առաջնությունը: Հայաստանի հավաքականի անդամ, 66 կգ քաշային Դավիթ Ափոյանը հասավ կիսաեզրափակիչ, որտեղ պարտվեց Վրաստանի ներկայացուցիչ Կոնստանտին Խաբալաշվիլուն: Սակայն Դավիթը երրորդ տեղի համար գոտեմարտը շահեց ավստրիացի Գեորգ Մարշալից՝ արժանանալով բրոնզե մեդալի: Մինչ այդ, Հայաստանի համար բրոնզ նվաճել էր 60 կգ քաշային Վոլոդյա Ֆրանգուլյանը:
Աշոտ ՀԱԿՈԲՅԱՆ