Հոկտեմբերի 10-ին Տավուշի մարզի Գետահովիտ գյուղի տարածք, «Խաչաղբյուր-2» փոքր ՀԷԿ-ի կառուցման գոտի են այցելել Հայաստանի բնապահպան ակտիվիստները:
Իջեւանի «Օրհուս» կենտրոնի համակարգող Գագիկ Աղբալյանից տեղեկացանք, որ ակտիվիստները տեղում համոզվել են, թե բնապահպանական ինչ խնդիրներ է առաջացրել փոքր ՀԷԿ-ի շինարարությունը: Բնապահպանները հանդիպել են ՀէԿ-ը կառուցող «Մեգաէներջի» ՍՊԸ տնօրեն Երեմ Սարգսյանի հետ, նրանց միջեւ խոսակցության ժամանակ կրքերը մի պահ բորբոքվել են: Բնապահպան ակտիվիստներն այդ տարածքում տեսել են եռակցողների, շինարարության աշխղեկին, ինչից կարելի ենթադրել, որ չնայած հողահատկացման եւ շինթույլտվության բացակայությանը, փոքր ՀէԿ-ի շինարարությունը շարունակվում է : Շինարարության գոտուն կից արջատխլենու պուրակն է, որը պետք է ունենա իր բուֆերային գոտին: Գետահովիտ գյուղի բնակիչները մտադիր են վաղը Երեւանում բնապահպանական ակցիա կատարել, խնդրի վերաբերյալ հանդիպում ունենալ բնապահպանության նախարար Արամ Հարությունյանի հետ:
Կարդացեք նաև
Ոսկան ՍԱՐԳՍՅԱՆ