ՀՀ-ում ՌԴ դեսպանի չմասնակցելը՝ «Արարատ» գինու-օղու-կոնյակի կոմբինատի 135 ամյակին նվիրված միջոցառումներին, հայաստանյան մամուլում տարատեսակ մեկնաբանությունների տեղիք տվեց: Քիչ առաջ այդ առիթով ՀՀ-ում ՌԴ դեսպանության առաջին քարտուղարը պաշտոնական պարզաբանում է փոխանցել ԲՀԿ առաջնորդին:
Aravot.am-ի հետ զրույցում ԲՀԿ մամուլի խոսնակ Տիգրան Ուրիխանյանը տեղեկացրեց նաեւ, որ դեսպանության մամուլի ներկայացուցիչը գնացել է այն թերթի խմբագրություն, որը «թյուր տեղեկություններ» էր հրապարակել եւ պահանջել է, որպեսզի հերքեն:
Իսկ դեսպանության ներկայացրած պաշտոնական պարզաբանման մեջ, ըստ ԲՀԿ մամուլի խոսնակի, մասնավորաբար ասված է. «Պարոն Ծառուկյանի ընդունելության եւ ՌԴ հաշվիչ պալատի նախագահ Սերգեյ Ստեպաշինի այցի առիթով նախատեսված միջոցառումների ժամերը համընկել են, որոնց, ըստ արարողակարգի նաեւ դեսպանը պետք է մասնակցեր: Հակառակ դեպքում, դեսպանը պարտադիր ներկա էր գտնվելու տվյալ միջոցառմանը: Եվ ցանկացած այլ հրավեր մշտապես սիրով ընդունվել է եւ ցանկացած այլ միջոցառումների՝ ԲՀԿ-ի կողմից նախաձեռնված, դեսպանը ներկա է գտնվելու»:
Նելլի ԳՐԻԳՈՐՅԱՆ
Կարդացեք նաև
