«Վերջերս Հայաստանում ակտիվացել են կրոնական կազմակերպությունները, որոնք իրենց եկեղեցի կոչելով` ներգրավում են մարդկանց իրենց շարքերը: Այդ իսկ պատճառով անցկացնում ենք ստորագրահավաք, որպեսզի պատկան մարմինների ուշադրությունը հրավիրենք այս հարցի վրա: Անհրաժեշտ է խստացնել օրենքը, որովհետեւ Ամերիկայից եւ այլ երկրներից հովանավորվող կրոնական կառույցները կարողանում են գրանցվել Հայաստանի պետռեգիստրում եւ անօրինական գործունեություն ծավալել»,-այսօր «Արմատ» ակումբում ասաց «Միացյալ երիտասարդական լիգա» շարժման փոխնախագահ Դանիել Պետրոսյանը:
Նրա խոսքով. «Կան փաստեր, որ տարբեր կրոնական կառույցների հավաքներին մասնակցում են նաեւ անչափահաս երեխաներ, ինչն արգելվում է օրենքով: Առաջարկում ենք ստեղծել մի մարմին, որը կվերահսկի կրոնական կառույցների գործունեությունը դրանց գրանցումից հետո, իսկ խախտումների դեպքում համապատասխան մարմինը պետք է կամ փակի այդ կազմակերպությունները, կամ կիրառի հատուկ պատժամիջոցներ: Ատորագրահավաքի ավարտից հետո այդ նախագիծը կներկայացնենք կառավարությանը»:
Երիտասարդը հավելեց, որ Խղճի եւ կրոնական կազմակերպությունների մասին օրենքի խստացման նախագիծը մշակվում է «Քայքայիչ պաշտամունքից տուժածների օգնության եւ վերականգնողական կենտրոնի» նախագահ Ալեքսանդր Ամարյանի հետ համատեղ:
Կարդացեք նաև
Լուիզա ՍՈՒՔԻԱՍՅԱՆ
