«Այդ անձը իրավաբան կոչվելու, առավել եւս արդարադատության նախարար կոչվելու իրավունք չունի: Եթե նախարարը չի հասկանում, որ տվյալ կետը հակասում է Սահմանադրությանը, ապա նա անմեղսունակ է կամ ինչ-որ շահերից ելնելով է անում: Նա իրավունք չուներ նման հայտարարություն անել: Նրա նկատմամբ քրեական գործ հարուցելու պահանջ եմ ներկայացնելու, որ նրան հեռացնեն»,- այսօր «Ելակետ» ակումբում ասաց ՀՀ նախագահի նախկին թեկնածու Ռոբերտ Սիմոնյանը՝ անդրադառնալով ՀՀ արդարադատության նախարարի՝ ընտրական գրավի մասին ասած դիտարկմանը:
Հիշեցնենք, որ նախարարն ասել էր՝ ընտրագրավն անհրաժեշտ է. «Դա կարեւորագույն գործիքներից մեկն է՝ ընտրապայքարը արհեստական, ոչ ռեալ, ոչ իրական թեկնածուներից զերծ պահելու համար»:
Նախագահի նախկին մեկ այլ թեկնածու, ԲՀԿ-ական իրավաբան Ռուբեն Այվազյանն էլ է զարմացել նախարարի այդ հայտարարությունից. «Եթե ուսումնասիրեր Հայաստանի իրավական համակարգը, ապա Ընտրական օրենսգրքի խոչընդոտները իրավաբանական ուժ չունեն, այսինքն՝ Հայաստանի օրենսդրությամբ արդեն այդ հարցը կարգավորված է: Գրավը նաեւ օրենքով կարող է նախատեսվել, բայց ո՞ր դեպքում: Օրենքում պետք է նախատեսվի այն գույքը, որը համարվում է պարտավորության կատարման համար գրավ դրված: Հայաստանի Սահմանադրությունը նախատեսում է հստակ սահմանափակումներ… նշանակում է՝ նախարարը Սահմանադրությունից էլ տեղյակ չէ»,
Կարդացեք նաև
Արփինե ՍԻՄՈՆՅԱՆ
