Նախագահի թեկնածուն հանդիպումներ ունեցավ մարզի համայնքներում
Երեկ եւ այսօր ՀՀ նախագահ, նախագահի թեկնածու Սերժ Սարգսյանը նախընտրական քարոզարշավի շրջանակներում Լոռու մարզում էր:
Նախագահի թեկնածուն հանդիպումներ ունեցավ Ալավերդու, Ստեփանավանի, Սպիտակի ու Վանաձորի ընտրողների հետ:
«Շնորհակալ եմ, որ այստեղ եք, որ եկել եք ինձ տեսնելու, եւ հուսով եմ նաեւ ինձ սատարելու: Հայաստանյան նախագահական ընտրարշավը շարունակվում է, եւ թեկնածուները ներկայանում են մեր ժողովրդին: Իմ դեպքը մի փոքր այլ է, քանի որ ես նաեւ գործող նախագահ եմ: Մենք միասին անցել ենք փորձությունների միջով, միասին էլ արձանագրել ենք եւ հաջողություններ, եւ բացթողումներ: Մենք ձեզ հետ միասին համատեղ ջանքերով ճանապարհ ենք հարթում դեպի ապահով Հայաստան»,- այսօր վանաձորցի ընտրողների հետ հանդիպման ժամանակ ասաց Սերժ Սարգսյանը:
Կարդացեք նաև
Նա կոչ արեց. «Ես կոչ եմ անում ակտիվորեն մասնակցելու ընտրւթյուններին: Մեր հաղթանակը պետք է լինի շատ համոզիչ: Ես խոստանում եմ ձեզ, որ գալիք 5 տարիներին իմ ջանքերն ուղղվելու են նրան, որ պետական մեքենան, նրա յուրաքանչյուր օղակ աշխատի ավելի լավ եւ ավելի արդյունավետ »:
Մանրամասները` տեսանյութում:
Մինչ ՀՀ նախագահ, նախագահի թեկնածու Սերժ Սարգսյանը ելույթ կունենար, վանաձորյան հանդիսատեսը ունկնդրում էր նրա` Վանաձոր գալու առիթով մայրաքաղաքից հրավիրված երգիչ-երգչուհիներին, ինչպես նաեւ համերգի վարողներ Նազենի Հովհաննիսյանին ու Ավետ Բարսեղյանին: Եվ թեեւ նախագահի թեկնածու Սերժ Սարգսյանի դահլիճից հեռանալուց հետո համերգը շարունակվում էր, այնուամենայնիվ, հանդիսատեսի մի ստվար զանգված նույնպես լքեց դահլիճը:
Անուշ ԲՈՒԼՂԱԴԱՐՅԱՆ
Հանճարների՝ հանճար: Ընտրեք սերժիկին և ձեր ապագան միանշանակ է: