Չնայած լրատվամիջոցներով եւ սոցիալական ցանցերում վերջին օրերին հնչող բազում ահազանգերին եւ տեսանյութերին այն մասին, որ ՀՀԿ-ն ընտրակաշառք է բաժանում ընտրողներին` նախագահական ընտրություններին իշխող կուսակցության թեկնածուի օգտին ձայներ ստանալու ակնկալիքով, ՀՀԿ-ում հերքում են այդ տեղեկությունները:
Ըստ ՀՀԿ փոխնախագահ Գալուստ Սահակյանի, նմանօրինակ հրապարակումները «սադրանք» են: Սակայն «Մեդիալաբի» հետ զրույցում, Սահակյանն այդպես էլ չհստակեցրեց, թե ում է ձեռնտու այս օրերին սադրել ՀՀԿ-ին:
«Ես կարծում եմ, որ դա տենց էլ պիտի լիներ, որովհետև վերջին օրերն են, պիտի պրովոկացիաներ անեին: Չէ, չենք բաժանում ընտրակաշառք, տենց խնդիր չկա»,- «Մեդիալաբին» ասաց Գալուստ Սահակյանը:
Այն դիտարկմանը, որ անգամ նշվում է կաշառքի չափը՝ 5000-10 000 դրամ, ՀՀԿ փոխնախագահն ասաց, որ ինքն այլ ինֆորմացիա ունի. կաշառք բաժանողներ կան, բայց նրանք ՀՀԿ-ի «մարդիկ» չեն:
Կարդացեք նաև
«Բաժանողներ կարող են լինել, բայց չեմ կարծում, որ մեր կողմից են: Մեր կողմից բացառված է դա: Յուրաքանչյուր թեկնածու կարող է ընտրակաշառք բաժանել ու մեր անունը տալ: Մենք նման խնդիր չունենք: Եվ ինչո՞ւ պիտի ընտրակաշառք բաժանելու խնդիր ունենանք»,- ընդգծեց Գալուստ Սահակյանը:
Մանրամասն՝ կարդացեք այստեղ
ԸՆՏՐԱԿԱՇԱՌՔ բաժանողը և վերցնողը պետք է ամոթից գետինը մտնի: