Այսօր մի խումբ դասադուլավորներ բողոքի երթ անցկացրին՝ Ազատության հրապարակի շուրջ պտտվելով:
«Մենք ենք տերը մեր երկրի», «ոչ հանցավոր ռեժիմին» վանկարկումներով եւ «հեղափոխությունն արդեն սկսվել է» ու նմանատիպ կոչ- ցուցապաստառներով նրանք սկսեցին իրենց երթը:
Դասադուլավորները մեր զրույցում դժգոհեցին նախագահական ընտրությունների արդյունքներից՝ պնդելով, որ կեղծիքներ են եղել, եւ իրենք արդարություն են պահանջում:
Նրանք պահանջում են նոր ընտրություններ՝ կեղծիքից զերծ: Ցուցարարներից մեկի խոսքերով, իրենք տեր են իրենց քվեի համար, եւ այս ակցիան մեկ անգամ եւս հիշեցում էր, որ իրենք կան:
Կարդացեք նաև
Երթի ընթացքում դասադուլավորները, «ազատ, անկախ ուսանող» ասելով, կանգնեցին մայթեզրին՝ ցուցապաստառները պարզելով դեպի փողոց:
«Ոչ կեղծ ընտրություններին: Ի՞նչ եք ուզում՝ արդարություն: Ե՞րբ եք ուզում՝ հիմա»,- ասելով նրանք հեռացան:
Ի դեպ, այսօր Ազատության հրապարակում կրկին համերգ էր: Հավաքվածների համար երգեց «Ժառանգության» ավագանու ցուցակում ընդգրկված Արթուր Իսպիրյանը, իսկ երիտասարդ երաժիշտները երաժշտական տարբեր համարներ ներկայացրին:
Արփինե ՍԻՄՈՆՅԱՆ
Ակամա հիշեցի խորհրդային շրջանի մի անեկդոտ. Գողականը վիճականում է Հիպպի Երեվանցու հետ որը ձեռքի մատներով V նշանն է անում: Գողականը հարցնում է թե էդ ինչ ա նշանակում, Հիպպին պատասխանում է թե «Դե մէնք խաղաղություն ենք ուզում էլի»: Քողականը պատասխանում է « Չենք տա…»:
Ցավոք սրտի էդ գողականներից պրծում չկա մինչեվ հիմա…
Շատ ճիշտ եք, պարոն Գալուստ, գողականներից մինչև հիմա պրծում չկա: Նրանք ուզուրպացրել են մեր երկրի իշխանությունը: