Մայիսի 26-ին ՀՀ առողջապահության նախարար Դերենիկ Դումանյանը, Երեւանի տնտեսագիտության ինստիտուտի ռեկտոր Կորյուն Աթոյանը, Քաղծառայության խորհրդի նախագահ Մանվել Բադալյանը եւ Տավուշի մարզպետ Արմեն Ղուլարյանը հանդիպում են ունեցել Բերդի տարածաշրջանի համայնքապետերի հետ, նրանց հետ քննարկել համայնքներում գյուղատնտեսական եւ այլ ծրագրեր իրականացնելու հարցեր:
Նշենք, որ Կ. Աթոյանը, Մ. Բադալյանը, Դ. Դումանյանը ծագումով Բերդի տարածաշրջանից են: Աթոյանը ծնվել է Բերդ քաղաքում, Բադալյանը՝ Արծվաբերդում, Դերենիկ Դումանյանն էլ արմատներով Արծաբերդից է: Առողջապահության նախարար Դումանյանը ծագումով Բերդի տարածաշրջանից է, բայց տարիներ շարունակ չի լուծվում Բերդի բժշկական կենտրոնը մասնագետ կադրերով համալրելու գործը:
Բերդի մեր աղբյուրները հայտնում են, որ Մանվել Բադալյանը եւ Դերենիկ Դումանյանը 2013 թ. նախագահական ընտրություններում հայրենի Արծվաբերդում պետք է սատարեին Սերժ Սարգսյանին: Սակայն Սերժ Սարգսյանն այս գյուղում ավելի քիչ ձայներ է ստացել, քան Րաֆֆի Հովհաննիսյանը:
Այս մասին հարցրինք Արծվաբերդի գյուղապետ Վոլոդյա Ուզունյանին: ԲՀԿ անդամ գյուղապետը հայտնեց, որ Րաֆֆի Հովհաննիսյանն Արծվաբերդում ավելի շատ ձայներ է ստացել ,ասելով, թե գյուղացիներն իրենց կամոք են քվեարկել:
Կարդացեք նաև
Ոսկան ՍԱՐԳՍՅԱՆ
