Մեր երկրի օդային դաշտն ազատ է լինելու բոլոր ընկերությունների համար
Քաղավիացիայի գլխավոր վարչության պետ Արտյոմ Մովսիսյանն այսօր կառավարության նիստից հետո լրագրողների հետ հանդիպման ժամանակ «Արմավիա»-ին վերաբերող հարցերին պատասխանելիս ասաց, որ «Արմավիա»-ի մասին այլեւս խոսք չի կարող լինել: Aravot.am-ը պարոն Մովսիսյանից հետաքրքրվեց, թե այդ դեպքում ինչ իմաստ ուներ եւ արդյոք ձեւական բնույթ էր կրում Հանրային խորհրդում քննարկում հրավիրելը եւ ավիաընկերությանն առաջարկելով առողջացման ծրագիր ներկայացնի: Նշենք, որ «Արմավիա»-ն Հանրային խորհրդին 9 կետից բաղկացած առողջացման ծրագիր է ներկայացրել, որը ներկայումս գտնվում է կառավարությունում: Արտյոմ Մովսիսյանը մեր հարցին պատասխանեց, որ հարցը հասցեական չէ եւ որ այն ուղղենք Հանրային խորհրդին: Մեր այն դիտարկմանը, թե եթե լուրջ չեք ընդունում, ինչո՞ւ էր այդ քննարկմանը նաեւ Քաղավիացիայի մասնագետը մասնակցում:
Վարչության պետի պատասխանը` տեսանյութում.
Արտյոմ Մովսիսյանը հայտնեց, որ Հայաստանն անցնում է բաց երկնքի քաղաքականությանը: Այսպիսի որոշում է կայացրել ՀՀ կառավարությունը, որը հաստատել է օդային փոխադրումների ազատականացման հայեցակարգը:
Կարդացեք նաև
Մեր երկրի օդային դաշտն ազատ է լինելու բոլոր ընկերությունների համար: Ըստ վարչության պետի՝ երկնքի լիարժեք ազատականացմամբ կխթանվի մրցակցությունը, տոմսերի գները անհարկի չեն թանկանա, շուկայում դեֆիցիտ չի առաջանա եւ այլն:
Մոտ ապագայում ստեղծվելու են օդային ուղիներ, որոնց համար հայտարարվելու են մրցույթներ: Դրանց կարող են մասնակցել միայն հայկական ընկերությունները, որոնք կարող են միջազգային ընկերություններից բաժնետերեր ունենալ:
Լուսինե ԲՈՒԴԱՂՅԱՆ
