Այսօր ճանաչողական այցով Գյումրի էր այցելել ՀՀ-ում Հնդկաստանի հանրապետության արտակարգ եւ լիազոր դեսպան Սուրեշ Բաբուն: Վերջինս ասաց, որ ինքը չորս ամիս է` ինչ նշանակված է դեսպան Հայաստանում եւ Գյումրին առաջին քաղաքն է, ուր այցելել է: Դեսպանը հասցրել էր բավական մանրամասնորեն ծանոթանալ Գյումրու պատմությանը, նույնիսկ ասաց, որ Գյումրին ավելի հին է, քան Երեւանը: Գյումրու քաղաքապետն էլ իր հերթին նկատեց, որ այս երկու երկրների միջեւ ապրաքաշրջանառությունը շատ քիչ է, 2010 թվականի տվյալներով, 5 միլիոնի արտահանումն է կազմել , 46 միլիոնի` ներմուծումը, իսկ հաջորդ տարիներին ավելի է նվազել:
Դեսպանը համաձայնեց, որ թիվը իրոք ցածր է եւ ասաց, որ պատրաստ է ցանկացած համագործակցության: Իսկ թե ի՞նչ ոլորտներում կհամագործակցեն Հայաստանն ու Հնդկաստանը, դեսպանը նշեց, որ ոլորտներից մեկը տեղակատվական տեխնոլոգիաներն են, այս ոլորտի արտահանումը նախորդ տարի կազմել է 20 միլիարդ դոլար, հզորէ նաեւ Հնդկաստանի դեղագործական ոլորտ, որի արտահանումը հատել է 25 միլիոնը: Սամվել Բալասանյանը նշեց, որ լուրջ ու կոնկրետ համագործակցության համար Հնդկաստանի որեւէ քաղաք քույր պետք է դառնա Գյումրու հետ ու որպես օրինակ նշեց Շանհայնը, որը 24 միլիոն բնակչություն ունի կամ Կալկաթան, որտեղ հայկական համայնք կա: Դեսպանն էլ ասաց, որ ինքը տեղյակ է, որ Սամվել Բալասանյանը նախկինում զբաղվել է արտադրությամբ եւ խոստացավ հիմք դնել բիզնես հարաբերություններին:
Կարդացեք նաև
Գյումրու քաղաքապետը հնդկական մշակույթի մասին խոսելիս հանկարծ հիշեց ԽՍՀՄ տարիներին Գյումրիում ցուցադրվող հնդկական ֆիլմերը: « Գյումրին ու գյումրեցիները շատ հետաքրքրասեր են հնդկական արվեստի նկատմամբ, մենք հնդկական ֆիլմերով ապրել ու երգել ենք» , հպարտորեն ու պատանեկության գիրկը տեղափոխվելով` նշեց Սամվել Բալասանյանը:
Նունե ԱՐԵՎՇԱՏՅԱՆ
Որ Սամվել Բալասանյանը չասեր էլ, ես չէի կասկածի, որ ապրել ու երգել են հնդկական ֆիլմերը, թե՛
չէ, որտրղից, նրա և նրանց առաջին դեմքերի անսահման և անծայրածիր ռոմանտիկան:
Պատահական չէ, որ մեր երկրի առաջին լեդիները՝ Գիտաներն, Զիտաներն ու Ռիտաներն են: