«Ես բիզնեսմեն եմ, գիտեք ինչ, բիզնեսում լինում են վերելքներ եւ խնդիրներ: Կային խնդիրներ, հարցեր, չլուծված հարցեր, հիմա խնդիրները վերացել են: Իմ մասին տարբեր բաներ են ասել, ես առաջինը ինքս եմ իմացել թերթերից, թե իմ գործերը ոնց են, կային խնդիրներ, մեզ կայունություն է պետք»,-այսպիսի նախաբանով սկսեց ՀՀ-ում իր բիզնեսների մասին հարցի պատասխանը Ռուսաստանի հայերի միության նախագահ Արա Աբրահամյանը:
Նա ասաց, որ Հյուսիսային պողոտայի վրա կառուցվող համալիրը՝ հինգ շենքից բաղկացած եւ 156 հազ. քառ/մ տարածքով, շուտով պատրաստ կլինի՝ 120 մլն դոլարի ներդրում արդեն արվել է, 60-100 մլնի ներդրում էլ դեռ կլինի:
Հույս կա, որ կվերաբացվի նաեւ հայտնի ՑՈՒՄ-ը՝ «Մանկական աշխարհը», որը Արա Աբրահամյանի սեփականությունն է, սակայն չի գործում, թեեւ վերանորոգումն արդեն ավարտվել է. «Շուտով մենք մանուկների շենքը կվերադարձնենք նրանց»՝ խոստացավ ՌՀՄ նախագահը:
Մելանյա ԲԱՐՍԵՂՅԱՆ
