Այսօր Շիրակի մարզի ընդհանուր իրավասության դատարանը` դատավոր Հարություն Մովսիսյանի նախագահությամբ, Հայաստանի Հանրապետության անկախության հռչակման 22-րդ տարեդարձի կապակցությամբ հայտարարված համաներմամբ ազատ արձակեց քավոր Հարութի որդուն` Գևորգ Խաչատրյանին:
Նա մեղադրվում էր ապօրինի զենք կրելու համար, որը ապրիլի 23-ին, այդ ժամանակ դեռևս անչափահաս այս երիտասարդը, տնից վերցրել ու վազել էր դուրս` իր հորն ու Շեկոյին Վարդան Ղուկասյանի եղբորորդու հարձակումներից պաշտպանելու համար:
Դատարանն այսօր պաշտոնապես հաստատեց քավոր Հարութի մերձավորների` նախորդ օրը Aravot.am –ին հաղորդած այն տեղեկությունը, թե Գևորգը ազատվել է համաներմամբ, մնում է դատարանը հաստատի այն: Նշենք, որ Գևորգին սպառնում էր 1-3 տարի ազատազրկում:
Դատարանը որոշեց դադարեցնել նրա նկատմամբ քրեական հետապնդումը ու վերացնել նրա խափանման միջոցը, այն է`ստորագրություն տվյալ բնակավայրից չբացակայելու մասին:
Կարդացեք նաև
Նունե ԱՐԵՎՇԱՏՅԱՆ
