Կառավարությունը 250 հազար եվրոյին համարժեք դրամի չափով բյուջետային երաշխիք կտրամադրի ՀՀ Կենտրոնական բանկին:
Ինչպես նշված է կառավարության նիստի օրակարգում ներառված փաստաթղթում, երաշխիքը տրամադրվում է ««Հայաստանի գյուղատնտեսության ոլորտի աջակցման» ծրագրի շրջանակներում 250,000 եվրոյի համարժեք դրամի չափով դրամաշնորհ տրամադրելու մասին պայմանագրով նախատեսված դրամաշնորհային պարտավորությունների ապահովման նպատակով»: Դրամաշնորհի պայմանագիրը կնքվել է Վերականգնման վարկերի բանկի (KfW) (Մայն Ֆրանկֆուրտ) եւ ՀՀ Կենտրոնական բանկի միջեւ` 2012թ. հունիսի 11-ին:
«Նշված պայմանագրի ուժի մեջ մտնելու եւ դրամաշնորհային միջոցների հասանելիությունն ապահովելու նախապայմաններից է հանդիսանում Հայաստանի Հանրապետության և Գերմանիայի Դաշնային Հանրապետության միջեւ միջպետական համաձայնագրի ուժի մեջ մտնելը, որն արդեն իսկ վավերացվել է ՀՀ Ազգային Ժողովի կողմից: Միեւնույն ժամանակ Վերականգնման վարկերի բանկի և Հայաստանի ՀՀ ԿԲ միջեւ կնքված Ֆինանսավորման պայմանագրի 5-րդ հոդվածի համաձայն` KfW բանկի կողմից դրամաշնորհի տրամադրման համար նախապայման է հանդիսանում ՀՀ ֆինանսների նախարարի կողմից երաշխիքի տրամադրումը, ինչը դիտարկվում է նաեւ ՀՀ ԿԲ-ին տրամադրվելիք դրամաշնորհի ապահովման միջոց»,-գրված է կառավարություն ներկայացված նախագծում:
Կարդացեք նաև
Նելլի ԲԱԲԱՅԱՆ
