Մեր զրուցակիցը Գորիսի պետական համալսարանի ռեկտոր Յուրա Սաֆարյանն է
-Պարո՛ն Սաֆարյան, որքանո՞վ են հավաստի այն լուրերը, որ Սյունիքի նախկին մարզպետ Սուրիկ Խաչատրյանը հեռացվելու է եւ այլեւս չի զբաղեցնելու Գորիսի պետական համալսարանի կառավարման խորհրդի նախագահի պաշտոնը:
-Կառավարության համապատասխան որոշում է եղել, որ խորհրդի կազմում ընդգրկված կառավարության կազմի անդամներից 4 հոգի՝ այդ թվում նաեւ նախկին մարզպետ Սուրեն Խաչատրյանը, այլեւս չի լինի Գորիսի պետական համալսարանի կառավարման խորհրդի կազմում: Առաջիկայում խորհրդի նիստ է հրավիրվելու եւ կառավարման խորհրդի նոր նախագահ է ընտրվելու: Խորհրդի կազմը բաղկացած է 24 հոգուց, որից 6-ը կառավարության առաջարկած կազմն է, 6 հոգին՝ ՀՀ կրթության եւ գիտության նախարարության, 6 հոգի դասախոսական կազմից է եւ 6 հոգի էլ ուսանողության կազմից է:
-Ինչքա՞ն ժամանակ է նախկին մարզպետը զբաղեցրել այդ պաշտոնը:
Կարդացեք նաև
-2006թ.-ից մինչեւ օրս եղել է խորհրդի նախագահը:
-Իսկ հայտնի՞է, թե ով կլինի հաջորդ նախագահը:
-Ընտրություն է, չես կարող գուշակել, բայց ընդհանրապես մարզային խորհուրդների նախագահները լինում են մարզպետները, հավանական է, որ Վահե Հակոբյանը կփոխարինի Սուրեն Խաչատրյանին:
–Բացի Սուրիկ Խաչատրյանից, որքանով տեղյակ ենք, այդ կազմից 3 անդամի եւս պետք է փոխարինեն:
-Նախկին մարզպետի տեղակալ Արա Դոլունցի փոխարեն կլինի հիմիկվա փոխմարզպետ Աշոտ Մարդյանը, Սասուն Խաչատրյանի (Սուրիկ Խաչատրյանի հորեղբորորդու) փոխարեն Սյունիքի մարզի առեւտրաարդյունաբերական պալատի նախագահը, իսկ Մանկավարժական համալսարանի պրոռեկտոր Մհեր Մելիք-Բախշյանին կփոխարինի Գորիսի թիվ 4 ավագ դպրոցի տնօրեն Արմինե Շեգունցը:
-Լարվածություններ եղե՞լ են տվյալ փոփոխությունների հետ կապված:
-Այս փոփոխությունները կապված չեն համալսարանի հետ, դրանք կատարվել են կառավարության դեկտեմբերի 26-ի համապատասխան որոշման համաձայն:
-Այսինքն, այդ ժամանակվանից արդեն հայտնի՞ էր այս փոփոխությունների մասին:
-Այո, քանի որ տոն օրեր էին, արձակուրդներ էին, հիմա է քննարկվում առաջիկայում նիստ հրավիրել մասին: Պայմանավորվածություն կա, որ հունվարի 16-ին ժամը 1-ին կլինի խորհրդի նիստը:
-Ասում են՝ նախկին մարզպետը մտադիր է այս խնդրով պայմանավորված իր համախոհներին հավաքի կանչել: Տեղյա՞կ եք այդ մասին:
-Ես չգիտեմ, նման տեղեկատվության չեմ տիրապետում:
Մերի ՍՈՂՈՄՈՆՅԱՆ
Սորիկ Խչատրյանը նաև ԵՊՀ ռեկտոր Արամ Սիմո, նյանի նշանակման կնքահայրն է:
Ինչպես ասում են` մեկնաբանություններն ավելորդ են:
ՀԱՅՈՑ համալսարանական կրթությոնը ծանր կորուստ կրեց…
Հիանալի է…Թող միայն այդպիսինները լինեն հայի կրթության գլխարկի տակ:Ի սրտե ուրախ եմ …