Աշխատանքի միջազգային կազմակերպության տվյալներով՝ 2013-ին գործազրկության մակարդակը Հայաստանում կազմել է 18․6 տոկոս և աճի միտում ունի:
Ըստ «Ազատություն» ռադիոկայանի, գործազրկության մակարդակով հետխորհրդային տարածքի միանձնյա առաջատարը Հայաստանն է: Սա են վկայում ՄԱԿ-ի կազմում գործող Աշխատանքի միջազգային կազմակերպության երեքշաբթի օրը հրապարակած զեկույցի տվյալները:
Կազմակերպության պաշտոնական կայքում Համաշխարհային աշխատանքային շուկայում այս տարի սպասվող զարգացումներին նվիրված ծավալուն հետազոտությանը կից ներկայացված աղյուսակը տեղեկացնում է, որ 2013-ին գործազրկության մակարդակը Հայաստանում կազմել է 18․6 տոկոս: Համեմատության համար նշենք, որ հարևան Վրաստանում գործազրկության մակարդակը 2013-ին կազմել է 14․3, իսկ Ադրբեջանում՝ ընդամենը 5․5 տոկոս: Ադրբեջանի հետ մոտավորապես նույն մակարդակի վրա է նաև գործազրկությունը Ռուսաստանի Դաշնությունում` մոտ 6 տոկոս: Բելառուսում գործազուրկները տնտեսապես ակտիվ բնակչության 5.9 տոկոսն են կազմում, իսկ 2008-2009 թվականների համաշխարհային ճգնաժամից մեծապես տուժած Ուկրաինայում գործազրկության մակարդակը մոտ 8 տոկոս է:
ՄԱԿ-ի մասնագետների պնդմամբ՝ գոնե ֆորմալ վիճակագրության առումով Հայաստանն իր ցուցանիշներով ավելի մոտ է տնտեսական բավական բարդ վիճակում գտնվող Բալկաններին, բայց ոչ հետխորհրդային տարածքի պետություններին:
Կարդացեք նաև
«Որպես կանոն, Հարավային և Հարավարևելյան Եվրոպայում գործազրկության ծավալները շատ ավելի բարձր են, քան ԱՊՀ-ում: Միակ բացառությունը Հայաստանն է: Իրականում, սակայն, երկու տարածաշրջանների միջև տարբերությունն այնքան մեծ չէ, քանի որ Արևելյան Եվրոպայում մի շարք պետություններում որպես գործազուրկ են հաշվառված մարդիկ, որոնք իրականում աշխատանք ունեն», – նշում են զեկույցի հեղինակները՝ չշրջանցելով «թաքնված զբաղվածության» երևույթը:
Գեւորգ Ստամբոլցյան
Նյութի մանրամասները կարդացեք սկզբնաղբյուր կայքում
Ժողովրդի լեզվով ասած՝ -աստված էլ բեթարից ազատի։ Այսքան տգետ, մեծամիտ, ինքնահավան, թալանչիներից,՝ իրենց ղեկավարով հանդերձ,՝ այսքան էլ հազիվ։