Ուկրաինայում տեղի ունեցող հանցագործությունների համար, որոնք կատարում են իշխանությունները, պետք է պատասխանատվության ենթարկվեն ինչպես Ուկրաինայի օրենքներով, այնպես էլ միջազգային՝ Հաագայի դատարանի առջև. «Եվրոմայդան»-ի ամբիոնից ասել է Ուկրաինայի արտաքին գործերի նախկին նախարար Վլադիմիր Օգրիզկոն: Հայտնում է «Արգումենտ» լրատվականը:
Իր ելույթում նա «Եվրոմայդան»-ի խորհրդի անունից դիմել է միջազգային հանրությանը, Եվրոմիությանը, ԱՄՆ-ին և այլ երկրների:
«Եվրոմայդան»-ի խորհուրդը միջազգային հանրությանը կոչ է արել անհապաղ պատժամիջոցներ կիրառել «Ուկրաինայի բռնապետերի» դեմ: Օգրիզկոն ԱՄՆ-ին և Եվրոպային հորդորել է հայտարարություններից անցնել գործողության՝ պատժամիջոցներ կիրառելուն:
«Թող գնան հանգստանան Կոստրոմայում, այլ ոչ թե եվրոպական երկրների ծովափերում», – ասել է Օգրիզկոն:
Կարդացեք նաև
«Եվրոմայդան»-ի խորհրդի որոշումը՝ հրապարակվելուց հետո դիվանագիտական խողովակներով կուղարկվի ԵՄ երկրների և ԱՄՆ ղեկավարներին:
Պատրաստեց Հովհաննես ԻՇԽԱՆՅԱՆԸ
