Գումարները կվճարվեն փետրվարի 15-ին
Սովորաբար ընտանեկան նպաստի գումարները վճարվում են տվյալ ամսվա 22-27-ը: Հունվարն ավարտվեց, սակայն այդ ամսվա ընտանեկան նպաստի գումարները սոցիալապես անապահով ընտանիքներին չեն վճարվել:
Այդ կապակցությամբ մենք Տավուշի մարզի բնակիչներից դժգոհության բազմաթիվ հեռախոսազանգեր ենք ստացել: Նշված պատճառով սոցիալապես կարիքավոր ընտանիքներն հնարավորություն չունեն մուծելու բնական գազի, խմելու ջրի, էլեկտրաէներգիայի, հեռախոսային ծառայությունների դիմաց: Մանավանդ, որ ամանորից հետո նշված ծառայությունների գումարը, այլ ամիսների համեմատ, ավելի մեծ թիվ է կազմում:
Զանգահարեցինք աշխատանքի եւ սոցիալական հարցերի նախարարություն: Նախարարության լրատվական ծառայությունից տեղեկացանք, որ գումարների վճարման ուշացումը կապված է այն բանի հետ, որ կառավարության հունվարի 30-ի նիստում է հաստատվել « 2014թվականի ընտանեկան նպաստի, սոցիալական նպաստի, հրատապ օգնության, մինչեւ երկու տարեկան երեխայի խնամքի, մինչեւ 2014թվականի հունվարի 1-ը ծնված երեխայի ծննդյան միանվագ նպաստների չափերը սահմանելու եւ մինչեւ 2014թվականի հունվարի 1-ը ծնված երեխայի ծննդյան միանվագ նպաստի նշանակման եւ վճարման կարգը հաստատելու մասին» որոշումը եւ հավելեցին , որ փետրվարի 15-ին հունվար ամսվա ընտանեկան նպաստի գումարները կվճարվեն:
Կարդացեք նաև
Ոսկան ՍԱՐԳՍՅԱՆ
