Գյումրիում «Կուտակային կենսաթոշակների մասին» օրենքի կիրառումն ու աշխատավարձից 5 տոկոսի չափով պահումները բողոքավոր են դարձրել անգամ իշխանությունների ամենաթունդ պաշտպաններին, հոգով-սրտով չինովնիկներին: Բողոքավոր է թե ինստիտուտի դասախոսը, դպրոցի ուսուցիչը, թե մարզպետարանի ու քաղաքապետարանի քիչ թե շատ եկամուտ ունեցող պաշտոնյան, թե դատարանի կարգադրիչը, որն , ի դեպ չի հասցրել դեռ աշխատավարձ ստանալ:
Փաստաբան Թամարա Յայլոյանը մեզ հետ զրույցում կարծիք հայտնեց, որ ՍԴ-ն ստեղծված խառնաշփոթին ու լարվածությանը վերջ դնելու համար ճիշտ կաներ լրացուցիչ պարզաբանում, լուծում տար, որպեսզի գործատուներից հարկային մարմիններին ներկայացվող փաստաթղթերը այս պահին ընդունվեին առանց պահումների:
Փաստաբանի կարծիքով, այս թեման իսկապես կարող է դառնալ սոցիալական բունտի առիթ : «Սոցիալական բունտի թեմա միայն մեկ պատճառ չէ, որ կարող է դառնալ, բազմաթիվ խնդիրներ կան, որոնք կուտակված են, սա ընդամենը կարող է առիթ հանդիսանալ ավելի մեծ, գլոբալ խնդիրների, ինչպես՝ ասենք գազի գին, ինչպես՝ անընդհատ թանկացումներ, Մաքսային միություն մուտքն է: Շատ խնդիրներ, պրոբլեմներ կան, որոնց նաև գումարվում է այս պրոբլեմը, թե չէ ասենք շատ երկրներում նման համակարգ կիրառվում է, քանի որ մեր երկրում ժողովուրդը վստահություն չունի կառավարության նկատմամբ և հազարավոր խնդիրներ կան` բնակարանային խնդիրներ, կոմունալ-կենցաղային խնդիրներ, ապրելու, աշխատելու խնդիր և դրան էլ ավելանում է պարտադիր կենսաթոշակային գումարներ վճարելը, հավանական է, որ սոցիալական մեծ բունտի թեմա դառնա»,- ասում է Թամարա Յայլոյանը:
Մանրամասները` տեսանյութում
Կարդացեք նաև
Նունե ԱՐԵՎՇԱՏՅԱՆ
