«Կարելի է ենթադրել, որ եթե նույնիսկ եղել են բնակեցման դեպքեր, ապա քիչ հավանական է, որ դրանք կրեն զանգվածային բնույթ», – ասել է ԵԱՀԿ-ի Մինսկի խմբի ռուսաստանցի համանախագահը:
ԵԱՀԿ-ի Մինսկի խմբի ռուսաստանցի համանախագահ Իգոր Պոպովը հանգստացնում է ադրբեջանական կողմին՝ «տեղեկություն չունենք Լեռնային Ղարաբաղում Սիրիայից հայ ընտանիքների զանգվածային բնակեցման մասին»: Այս մասին Պոպովը հայտարարել է ադրբեջանական APA լրատվական գործակալության հետ զրույցում, անդրադառնալով լրագրողի` Ղարաբաղում սիրիահայերի բնակեցման մասին հարցին:
«Սիրիայում շարունակվող հակամարտության պատճառով շուրջ երկու միլիոն մարդ փախստական է դարձել, նրանց մեծ մասին տարածաշրջանի երկրները ապաստան են տվել: Այդ ամենը արտացոլված է, մասնավորապես, վերջերս ՄԱԿ-ի Անվտանգության խորհրդի կողմից ընդունված՝ Սիրիայի հումանիտար իրավիճակի վերաբերյալ բանաձևում: Ինչ վերաբերում է Լեռնային Ղարաբաղին, ապա մենք տեղեկություն չունենք այնտեղ սիրիահայ ընտանիքների զանգվածային բնակեցման մասին», – ասել է Մինսկի խմբի ռուսաստանցի համանախագահը՝ շարունակելով․ – «Կարելի է ենթադրել, որ եթե նույնիսկ եղել են բնակեցման դեպքեր, ապա քիչ հավանական է, որ դրանք կրեն զանգվածային բնույթ: Այդ մասին մեզ ավելի վաղ տեղեկացրել էր նաև ՄԱԿ-ի Փախստականների հարցերով գերագույն հանձնակատարը»:
Կարդացեք նաև
Մանրամասները կարող եք կարդալ` «Ազատություն» ռ/կ-ի կայքում
