«Մենք կարծում ենք, որ երկիրը գտնվում է խորը ճգնաժամում, որի միակ լուծումը՝ Սերժ Սարգսյանի ռեժիմի հեռացումն է եւ երկրում արտահերթ նախագահական ու խորհրդարանական ընտրությունների անցկացումը»,- այսօր Գագիկ Ծառուկյանի հետ հանդիպման ժամանակ ասել է ՀԱԿ կուսակցության վարչության անդամ Լեւոն Զուրաբյանը: Այդ մասին նա լրագրողներին տեղեկացրեց հանդիպումից հետո:
Ի դեպ, հանդիպմանը ԲՀԿ-ից մասնակցել են Գագիկ Ծառուկյանը, Նաիրա Զոհրաբյանը, Ստեփան Մարգարյանը, Վարդան Օսկանյանը: ՀԱԿ-ից՝ Լեւոն Զուրաբյանը, Արամ Մանուկյանը եւ Ավետիս Ավագյանը:
Aravot.am-ի հարցին՝ ՀԱԿ-ի դիրքորոշմանն ինչպե՞ս արձագանքեց Գագիկ Ծառուկյանը, պարոն Զուրաբյանն ասաց, որ երկուստեք կհրապարակվեն տեսանյութեր, որոնցից այդ հարցերի պատասխանը կարող ենք ստանալ:
«Մենք այլ կերպ չենք տեսնում երկրի առջեւ ծառացած խնդիրների լուծումը: Հայաստանում զարգացման բանալին՝ դա ընտրողի լեգիտիմ իշխանության հաստատումն է: Այլ կերպ Հայաստանում խնդիրները չեն կարող լուծվել»,- ասաց Լեւոն Զուրաբյանը՝ հավելելով, որ կառավարության հրաժարականը ՀԱԿ-ը դիտարկում է որպես մի գործիք, որը թույլ կտա համախմբել Հայաստանի քաղաքական ուժերին՝ հանուն երկրում արմատական փոփոխությունների:
Կարդացեք նաև
«Բայց մեր նպատակը եւ մոտեցումը շատ ավելի հեռահար է: Մենք մտածում ենք, որ դա կարող է լինել առաջին փուլը, որը կծառայի իբրեւ համախմբման առանցք եւ գործիք: Բայց այդ համախմբումն արդեն պետք է օգտագործվի երկրում արմատական խնդիրներ լուծելու նպատակով»,- կարծում է Լեւոն Զուրաբյանը:
Լրագրողներից մեկի հարցին՝ եթե ԲՀԿ-ն միայն կառավարության հրաժարականը պահանջի՝ կդադարեցնե՞ք համագործակցությունը, Զուրաբյանը հարցով պատասխանեց. «Ինչո՞ւ եք այդքան վատատես եւ ինչո՞ւ եք ուզում բոլոր սցենարները միանգամից պատկերացնել: Ես բացարձակապես վատատես չեմ եւ կարծում եմ, որ երկրում ստեղծվել է մի իրավիճակ, երբ բոլոր քաղաքական ուժերը ստիպված փորձում են գտնել հարցերի պատասխանները, որոնք չեն կարող տրվել միայն կառավարության հրաժարականով»:
Ընդհանուր առմամբ, Լեւոն Զուրաբյանը գոհ եւ տպավորված էր հանդիպումից ու կարծում է, որ առաջիկայում Հայաստանում իրադարձություններ են զարգանալու, որոնք արմատական փոփոխությունների կհանգեցնեն: Սակայն, ինչ որոշում էլ ընդունվի՝ ընդունվելու է չորս քաղաքական ուժերի ձեւաչափով: Երկկողմ հանդիպումներն, ըստ բանախոսի, օժանդակ նպատակ ունեն:
Այլ մանրամասները՝ տեսանյութում
Նելլի ԳՐԻԳՈՐՅԱՆ
Ես չեմ հավատում, որ ԲՀԿ-ն լուրջ քայլերի կդիմի:Ինձ թվում է, որ վերևներից հրահանգ ունի ընդդիմադիր խաղալու, ժողովրդի ուշադրությունը շեղելու:Դաշնակցական իշխանամետ ընդդիմություն, իշխանության հետ աղոթող Րաֆֆի, ամիսներ առաջ իրեն ընդդիմադիր չհամարող ԲՀԿ և, վերջապես, կոնգրեսականներ, ովքեր 2008-ի մարտի մեկին ժողովրդին մենակ թողեցին ու, դասախոսություններ կարդալով, փոշիացրին հանրահավաքային գաղափարը:Տա Աստված՝ ես սխալված լինեմ, բայց շատ եմ համոզված դրանում: Կապրենք՝ կտեսնենք:
Իսկ ձեզ ով խաբեց հարգելի Սպառտակ որ ՀԱԿ-ը մենակ է թողել ժողովրդին.Միայն ՀԱԿն է եռ մտածում է ժողովուրդի մասին.