«Թող հանդիպեն, զրուցեն, սիրտները բացեն, դա միայն օգուտ է առողջությանը»,- ԲՀԿ-ՀԱԿ հանդիպման մասին Aravot.am-ի հետ զրույցում ասաց ԱԺ պատգամավոր Մարգարիտ Եսայանը:
«Վաղուց ժամանակն էր, որ քաղաքական ուժերի միջեւ լինի համախմբվածություն եւ բարեկամական կապեր, ՀԱԿ-ԲՀԿ հանդիպումը իմ գնահատմամբ, փորձ է՝ համախմբվել ընդհանուր նպատակների շուրջ, թող նստեն, քաղաքակիրթ զրուցեն, փորձեն իրար հասկանալ: Գուցե բանը հասնի այնտեղ, որ տեղի ունենա նաեւ այս կուսակցությունների միաձուլում, ամբողջ աշխարհն է գնում սրան, ինչու մերոնք եւս չմիաձուլվեն եւ չնույնականանան, մանավանդ՝ քաղաքական հապավումներն այսօր այնքան շատ են, ընտրողները երբեմն դժվարությամբ են տարբերությունները տեսնում»,- հավելեց Մարգարիտ Եսայանը:
Նելլի ԳՐԻԳՈՐՅԱՆ
