«Ժառանգություն» կուսակցության առաջնորդ Րաֆֆի Հովհաննիսյանի համար վարչապետ Տիգրան Սարգսյանի հրաժարականը անսպասելի է եղել:
Քիչ առաջ ՀՀ ոստիկանության դիմաց ի պաշտպանություն Շանթ Հարությունյանի որդու՝ Շահեն Հարությունյանի ակցիայի ժամանակ այդ մասին ասաց պարոն Հովհաննիսյանը. «Այն, ինչ կատարվում է Հայաստանում՝ ցույց է տալիս, որ մեծ փոփոխությունների նախաշեմին ենք»:
Նա ասաց, որ այսօր Վանաձորում եւ Գյումրիում հայտարարությամբ է հանդես գալու. «Մյուսների պես պայծառատես չեմ, եւ ինձ համար ոչ թե սպասելի էր, այլ անսպասելի էր: Եվ մոդա է ասել՝ սպասելի էր: Սպասելի չէր, եւ դա ցույց է տալիս, որ կան ստորգետնյա գործընթացներ, կան ճաքեր, եթե քաղաքական եւ քաղաքացիական դաշտը միանա, մենք կունենանք մեծ փոփոխություններ մոտ ապագայում»:
Aravot.am-ի հարցին, թե վարչապետի հրաժարականը ինչպե՞ս կանդրադառնա քառյակի հետագա գործունեության վրա, պարոն Հովհաննիսյանը պատասխանեց, թե իրենց խմբակցության ղեկավար Ռուբեն Հակոբյանը այսօր քիչ հետո խորհրդարանական չորս ուժերի հետ հանդիպումից հետո կխոսի:
Կարդացեք նաև
Թե ով կլինի վարչապետի հաջորդ թեկնածուն, Րաֆֆի Հովհաննիսյանն ասաց՝ այդ հարցը իրեն չպետք է հարցնեն: «Մենք կարծում ենք՝ այս իշխանությունը վերից վար պետք է փոխվի»,- ասաց ու հեռացավ:
Մանրամասներն ավելի ուշ՝ տեսանյութում
Արփինե ՍԻՄՈՆՅԱՆ
