Ռուսաստանամետ տասնյակ ցուցարարներ կիրակի օրը ներխուժել են Դոնեցկի մարզային ադմինիստրացիայի շենք ու Ռուսաստանի դրոշ բարձրացրել:
Ուկրաինայի տապալված նախագահ Վիկտոր Յանուկովիչի հարազատ Դոնեցկ քաղաքում լարվածությունն ավելացել է վերջինիս պաշտոնից հեռացնելու և Կիևի նոր եվրոպամետ կառավարության իշխանության գլուխ կանգնելուց հետո: Յանուկովիչի տապալման հետ զուգահեռ լարվածությունն ավելացել է Ուկրաինայի արևելքում հիմնականում ռուսալեզու բնակչություն ունեցող այլ մարզերում:
Ռուսաստանամետ ակտիվիստները, որոնք մասնակցում էին Դոնեցկում կիրակի օրն անցկացված ակցիային, մարզային ադմինիստրացիայի շենք ներխուժելուց հետո Ռուսաստանի դրոշ են բարձրացրել շենքի երկրորդ հարկում: Շենքը շրջապատած մոտ մեկ ու կես հազար ցուցարարները, տեսնելով դրոշը, «Ռուսաստան» են վանկարկել:
Արմեն Հովհաննիսյան
Կարդացեք նաև
Նյութի մանրամասները կարդացեք «Ամերիկայի Ձայն»-ի կայքում
