«ԵԱՀԿ-ի Մինսկի խմբի համանախագահ Ջեյմս Ուորլիքի հայտարարությունը Քարնեգի հիմնադրամում շատ կարևոր է», – այսօր լրագրողներին ասել է Ադրբեջանում Միացյալ Նահանգների դեսպան Ռիչարդ Մորնինգսթարը:
Նա վստահեցրել է, որ Ուորլիքի ասածը շատ ճշգրիտ արտացոլում է ԱՄՆ-ի քաղաքականությունը Լեռնային Ղարաբաղի հակամարտության կարգավորման առնչությամբ: «Այդ հայտարարության հիմնական նպատակը Ադրբեջանին և Հայաստանին հակամարտության վերջնական խաղաղ կարգավորման համար անհրաժեշտ քայլերի կոչ անելն է և խրախուսելը», – ասել է ամերիկացի դիվանագետը:
Մորնինգսթարը հիշեցրել է, որ համանախագահի ելույթում հիշատակվել են կարգավորման վեց սկզբունքներ: Ըստ դեսպանի՝ Ուորլիքը «շատ հստակ ձևով հասկացրել է, որ Լեռնային Ղարաբաղին հարակից յոթ օկուպացված շրջանները պետք է վերադարձվեն Ադրբեջանին», փոխանցում է ադրբեջանական APA լրատվական գործակալությունը:
Արման Հովհաննիսյան
Նյութի մանրամասները կարդացեք «Ազատություն» ռադիոկայանի կայքում
