Մայրաքաղաքի պատմական կառույցներից մեկը՝ Տերյան 11 հասցեում գտնվող Աֆրիկյանների տունը, որ ներառված է Երեւանի պատմության եւ մշակույթի անշարժ հուշարձանների ցանկում, մոտ օրերս կապամոնտաժվի։
Այժմ այն մեկուսացված է մետաղյա ցանկապատի միջոցով, շինարարները հետիոտնի անցումը անվտանգ դարձնելու համար թիթեղից համապատասխան կոնստրուկցիաներ են պատրաստում։ Նրանցից ճշտեցինք, որ շենքի ապամոնտաժումը կսկսվի՝ հենց հետիոտնի անվտանգության հարցը լուծված լինի:
Աֆրիկյանները Երեւանի ամենահին ընտանիքներից են։ Այս գերդաստանի նահապետները քաղաքային դումայի անդամներ են եղել, ունեցել են գործարաններ ու լուրջ ներդրում ունեն քաղաքի պատմության մեջ։ Մեծահարուստ Աֆրիկյանների միջոցներով է 1911թ. առաջին անգամ խմելու ջուրը բերվել Երեւան։ Բոլշեւիկների գալուց հետո նրանց ունեցվածքն ազգայնացվել է։ Քաղաքի կենտրոնում գտնվող եւ նախկինում նրանց պատկանող 2 շենքերն ընդգրկված են Երեւանի պատմության եւ մշակույթի անշարժ հուշարձանների պետական ցանկում։
Տերյան 11 հասցեում գտնվող տան տարածքը Կառավարության որոշմամբ ճանաչվել է բացառիկ գերակա հանրային շահ, եւ կառուցապատման իրավունքով տրվել «Դվին» ՍՊԸ-ին, որի իրավահաջորդն այժմ «Միլենիում կոնստրակշն» ՍՊԸ-ն է։ Կառավարությունը նախատեսել է շենքն ապամոնտաժել ու տեղափոխել «Հին Երեւան» պատմաճարտարապետական թաղամաս։
Կարդացեք նաև
Ըստ Կենտրոն վարչական շրջանի համար մշակված գոտիավորման նախագծի, նախատեսվում է Տերյան փողոցը եւ նույն փողոցի շարունակություն հանդիսացող Զաքիյան փողոցը միացնել միմյանց:
Գագիկ ԱՂԲԱԼՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
