ԱՄՆ նախկին պետքարտուղար Հիլարի Քլինթոնը իր «Բարդ ընտրություններ» հուշերի գրքում գրել է, որ «Հարավային գազային միջանցքը» Եվրոպային կասպիական ավազանից գազ մատակարարելու ամենահաջողված նախագիծն էր և հենց դրա համար էլ նա Ռիչարդ Մորնինգսթարին նշանակել էր Ադրբեջանում ԱՄՆ դեսպան, հայտնում է «Հաքքին.ազ»-ը:
«Որպեսզի ձեռք բերենք անհրաժեշտ համաձայնությունները, ես Ռիչարդ Մորնինգսթարին նշանակեցի Ադրբեջանում ԱՄՆ դեսպան», – գրել է Քլինթոնը, – Այդ հարցը բարդացել էր Ադրբեջանի և Հայաստանի միջև երկար տարիներ տևող հակամարտության պատճառով: Մորնինգսթարը Ադրբեջանի նախագահ Իլհամ Ալիևի հետ կառուցողական հարաբերություններ էր ստեղծել, այդ իսկ պատճառով ես նրան այդ երկրում դեսպան նշանակեցի»:
Նա նաև հիշել է, որ երկու անգամ այցելել է Ադրբեջան՝ տարածաշրջանում խաղաղություն և ժողովրդավարություն հաստատելու նպատակով:
Պատրաստեց Հովհաննես ԻՇԽԱՆՅԱՆԸ
