Երբ Եվրախորհրդում Ադրբեջանին քննադատում են մարդու իրավունքները խախտելու համար, այդտեղ էլ է Հայաստանը մեղավոր, այդպես է կարծում Ադրբեջանի նախագահ Իլհամ Ալիևը: «Կոնտակտ»-ի փոխանցմամբ, հուլիսի 7-ին դիվանագիտական մարմինների ղեկավարների հետ հանդիպման ժամանակ Ալիևն ասել է.
«Եվրախորհրդի խորհրդարանական վեհաժողովում հայկական լոբբի է գործում, ինչպես նաև կան պատգամավորներ, որոնք կանխակալ դիրքորոշում ունեն Ադրբեջանի նկատմամբ», – ասել է նա և նշել, որ «մեծ հաղթանակ» է համարում ԵԽԽՎ-ում Քրիստոֆ Շտրասերի՝ Ադրբեջանի քաղբանտարկյալների վերաբերյալ զեկույցի տապալումը:
Ալիևն ընդգծել է, որ երբեք Ադրբեջանի հասցեին քննադատություն չի լսել եվրոպական երկրների առաջնորդներից.
«Ոմանք, որ իրենց այստեղ ընդդիմություն կամ իրավապաշտպան են կոչում, կարծում են, որ ինչ-որ մեկը մեզ մի բան կասի ու մենք կկատարենք: Նրանք միամիտ մարդիկ են, – ասել է նա, – 11 տարվա ընթացքում երկկողմ բանակցությունների ձևաչափում ոչ մի անգամ ինձ մի խոսք չեն ասել՝ կապված մեր ներքին քաղաքականության հետ»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
