Պետդումայի պատգամավոր, Ռուսաստանի լիբերալ-դեմոկրատական կուսակցության գերագույն խորհրդի անդամ Միխայիլ Դեգտյարևը դաշնության սահմանադրության մեջ «ՌԴ պետական դրոշի» օրենքի փոփոխության նախագիծ է պատրաստել, հայտնում է «Իզվեստիա»-ն:
Ըստ օրենքի փոփոխության, նախատեսվում է Ռուսաստանի ներկայիս սպիտակ-կապույտ-կարմիր եռագույնը փոխել կայսերական ժամանակաշրջանի դրոշներից մեկով՝ սև-դեղին-սպիտակով:
Դեգտյարևի կարծիքով Ղրիմի միակցումը, Մաքսային միության ստեղծումը և երկրում հայրենասիրական զգացումների աճը պետք է ուղեկցվեն ռուսական կայսրության հաղթական ժամանակաշրջանի դրոշով:
Օրենքի նախագծի բացատրական մասում պատգամավորը գրում է, որ երբ Ռուսաստանի կայսրության դրոշը սև-դեղին-սպիտակն էր (1858-1883թթ.) Ռուսաստանի տարածքը զգալիորեն մեծացել էր: Այդ ժամանակ էր, որ առաջին անգամ Ռուսաստանի կազմի մեջ մտան Արևելյան Պրուսիան, Ալյասկան, Կովկասը, Լեհաստանը, Մերձբալթյան երկրները, Միջին Ասիան և Ֆինլանդիան:
Պատրաստեց Հովհաննես ԻՇԽԱՆՅԱՆԸ
