Վարդան Պետրոսյանի ավտովթարի գործով միջնորդությամբ հանդես եկավ տուժողների ներկայացուցիչ Ռուբեն Բալոյանը: Նա ասաց, որ ավտովթարի օրը «Քաղցած չէին սպասում» հաղորդաշարը եղել է Վարդան Պետրոսյանի հյուրը եւ, իրենց տեղեկություններով՝ «ոմանք օգտագործել են օղի»:
Նա միջնորդեց, որ այդ հանգամանքը ճշտելու համար դատարան հրավիրվեն հաղորդաշարի հեղինակը եւ օպերատորը՝ Սուրեն Շահվերդյանն ու Դավիթ Վարդանյանը:
Մեղադրող Արթուր Սարգսյանն այս հարցում թերեւս հակասության մեջ մտավ տուժողի ներկայացուցիչ Ռուբեն Բալոյանի հետ, ասելով, որ նրանք հարցաքննվել են նախաքննության ժամանակ եւ ապացուցողական նշանակությամբ որեւէ հանգամանք չեն նշել:
Դատարանը հետաձգեց միջնորդության քննությունը, քանի որ մինչ այդ կհարցաքննվեն դատակոչով վկաները:
Ռուզան ՄԻՆԱՍՅԱՆ
