Aravot.am-ը տեղեկացրել է Հայաստան այցելած 5 տասնյակ տիգրանակերտցի (Դիարբեքիր) հայերի մասին, որոնցից երկու իսլամացած հայ մկրտվել էր Էջմիածնում: Այդ նախաձեռնության հեղինակն է կանադաբնակ ինժեներ-շինարար, դաշնակահար Րաֆֆի Պետրոսյանը, որն իր համախոհների հետ վերականգնել է Դիարբեքիրի Սուրբ Կիրակոս եկեղեցին ու այնտեղ հայոց լեզվի դասընթացներ է կազմակերպել:
Aravot.am-ի հետ զրույցում Րաֆֆի Պետրոսյանը կարճատեսություն որակեց ծպտյալ եւ իսլամացած հայերի պարագայում ինքնությունն ու կրոնը հակադրելը, նաեւ հավելեց, որ փոխանակ օտարերկրյա կառավարություններից ցեղասպանության ճանաչում պաղատելը, հարցի լուծման ավելի արդյունավետ միջոց է, իր ձեւակերպմամբ, թաքուն հայերին զորացնելը եւ նրանց արմատներին վերադարձնելը: Նա ցավով փաստեց, որ Պոլսո պատրիարքարանը եւ որոշ սփյուռքահայեր իսլամացած հայերին լիարժեք հայ չեն համարում:
Մանրամասները՝ վաղվա տպագիր «Առավոտում»:
Գոհար ՀԱԿՈԲՅԱՆ
Կարդացեք նաև
Լուսանկարում՝ Րաֆֆի Պետրոսյանը Դիարբեքիրի Սուրբ Կիրակոս եկեղեցում:
