Այսօր «Վանաձոր-Քիմպրոմ» ՓԲԸ-ի աշխատակիցները խաղաղ ցույց էին կազմակերպել Վանաձորի Հայքի հրապարակում:
Նրանք մի քանի անգամ շրջեցին կենտրոնական հրապարակում, ապա մոտեցան ՀՀ Լոռու մարզպետարանի շենքին:
«Թող բոլոր նախարարները, նախագահը, վարչապետը լսեն իմ խոսքերը, իրենք ստանում են ահռելի գումարներ, որ մեր բանվորի 10 ամսվա աշխատավարձն է իրենց մեկ ամսվա աշխատավարձը, եթե չեն կարողանում մեր աշխատավարձերը վերադարձնել, թեկուզ մեկ ամիս փող չստանան իրենք, բայց իրենց գրպանից թող վերադարձնեն մեր աշխատավարձերը»,-իր բողոքն արտահայտեց գործարանի աշխատակիցներից մեկը:
Մեկ այլ աշխատակից էլ նշեց, որ իրենք պահանջում են ողջ աշխատավարձը:
«Մեր հիմնական ասելիքն է` մեր աշխատավարձերը թող տան, ամբողջը, մեկ ամսվանով հարց չի լուծվում, եթե 10 ամիս մարդը սպասում է աշխատավարձի, մեկ ամսվանով նա ոնց կարող է հարցեր լուծել»:
Կարդացեք նաև
Գործարանի աշխատակիցները կարողացան հեռախոսով կապ հաստատել ՀՀ էներգետիկայի եւ բնական պաշարների նախկին նախարար, ՀՀ նախագահի խորհրդական Արմեն Մովսիսյանի հետ:
Նա տեղեկացրեց, որ վաղը ժամը 2-3-ն ընկած ժամանակահատվածում կգա Վանաձոր:
Մանրամասները` տեսանյութերում
Անուշ ԲՈՒԼՂԱԴԱՐՅԱՆ
