Վրաստանի նախագահ Գիորգի Մարգվելաշվիլիի այցը Նյու Յորք խափանվել է կառավարության հետ տարաձայնությունների պատճառով, հայտնում է «Գռուզիա-Օնլայն»-ը:
«ՄԱԿ-ի գլխավոր վեհաժողով իմ այցը խափանվել է… Այդ մասին ինձ հայտնի է դարձել այսօր առավոտյան, որ լուրջ աշխատանք է կատարվել, որպեսզի խանգարեն այդ այցին», – հայտնել է Մարգվելաշվիլին մամուլի ասուլիսի ժամանակ՝ նշելով, որ նախագահական ինստիտուտի դեմ քայլեր են ձեռնարկվել, որը խափանել է բոլոր միջոցառումները, որոնք պետք է կայանային ԱՄՆ-ում իր այցի ընթացքում:
«Այդ քայլերը կատարվել են՝ հաշվի չառնելով պետական շահերը, դրանք տեղի են ունեցել ինստիտուցիոնալ առերեսումից: Եթե մենք շարունակենք այս ուղղով գնալ ու փորձենք մեր մենաշնորհը դարձնել որևէ ինստիտուտ, մենք կստանանք այն, ինչը մեզ դուր չէր գալիս Սահակաշվիլիի իշխանության ժամանակ», – ասել է նա:
Վրաստանի կառավարությունը որոշել էր ՄԱԿ-ի գլխավոր վեհաժողովին մասնակցելու ուղարկել երկրի վարչապետ Իրակլի Ղարիբաշվիլիին: Վեհաժողովին մասնակցելու հրավեր էր ստացել նաև նախագահը, սակայն կառավարությունը փորձում էր համոզել նախագահին, որ Նյու Յորք պետք է մեկ պատվիրակություն մեկնի՝ հիմնավորելով, որ երկու պատվիրակության մասնակցությունը «լրջորեն կվնասի Վրաստանի իմիջին»:
Կարդացեք նաև
Մարգվելաշվիլին չի մանրամասնել, թե կոնկրետ ինչպես է խափանվել վեհաժողովին նրա մասնակցությունը:
Պատրաստեց Հովհաննես ԻՇԽԱՆՅԱՆԸ
