Այսօր Ուկրաինայի խորհրդարանը` Գերագույն ռադան, տեղական ժամանակով ճիշտ ժամը 13-ին հավաքվելու է լիագումար նիստի, որը վավերացնելու է Եվրոպական միության հետ Ասոցացման պայմանագիրը։ Այն ստորագրել և օրենսդիրներին է ներկայացրել նախագահ Պետրո Պորոշենկոն։
Ռադայի նիստին զուգահեռ, այսօր վավերացման հարցով քվեարկություն է լինելու նաև Եվրախորհրդարանում։
Ուկրաինայի և Եվրոպական միության փոխադարձ համաձայնությամբ Ասոցացման պայմանագրի առանցքային մաս հանդիսացող Ազատ առևտրի պայմանագիրն ուժի մեջ կմտնի 2016-ի հունվարի 1-ից։ Փաստորեն, մինչև 2015-ի դեկտեմբերի 31-ը գործելու է ազատ առևտրի դրույթի կիրառման վերաբերյալ հատուկ համաձայնությունը։ Այն հաշվի է առնում նաև Ռուսաստանի տնտեսական շահերը, քանի որ Ուկրաինան այդ ընթացքում կշարունակի Ռուսաստանի հետ առևտուր իրականացնել ԱՊՀ-ի ազատ առևտրի պայմանագրի շրջանակներում։
Արմեն Քոլոյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
