«Չէի սպասում, որ քրեական գործ կհարուցվի»,- Aravot.am-ի հետ զրույցում նշեց «Հայկական ժամանակ» օրաթերթի լրագրող Թագուհի Հովհաննիսյանը:
Հիշեցնենք` «Հայկական ժամանակ» օրաթերթի լրագրող Թագուհի Հովհաննիսյանը 2014թ. հոկտեմբերի 3-ին ոստիկանության Կենտրոնական բաժին հաղորդում է տվել այն մասին, որ 2014թ. սեպտեմբերի 19-ին Երևանի «Ալեքսանդր Սպենդիարյանի» անվան օպերայի և բալետի պետական ակադեմիական թատրոնի շենքում՝ «Հայաստան-սփյուռք» համաժողովի աշխատանքների լուսաբանման ընթացքում, Ղազախստանի հայկական համայնքի «Նաիրի» ասոցիացիայի ղեկավար Արտյուշա Կարապետյանը խոչընդոտել է իր մասնագիտական գործունեությունը։
Այս առթիվ ՀՀ քննչական վարչության Կենտրոնի քննչական բաժնում հարուցվել է քրեական գործ:
Սակայն Թագուհի Հովհաննիսյանն ակնկալիքներ չունի, որ ճիշտ եւ արդարացի հետաքննություն կանցկացվի: Նա հավելեց, որ Արտյուշա Կարապետյանը չի բնակվում Հայաստանում եւ քիչ հավանական է համարում, որ նրան հարցաքննելու համար Ղազախստանից կբերեն Հայաստան. «Կարծում եմ շատ շուտով կլսենք, որ ապացույցների բացակայության պատճառով գործը կարճվել է: Այնպես որ, չեմ կարծում, որ Արտյուշա Կարապետյանը համապատասխան պատասխանատվության կենթարկվի»:
Կարդացեք նաև
Լուսանկարը` Թագուհի Հովհաննիսյանի ֆեյսբուքյան էջից:
Ամի ՉԻՉԱԿՅԱՆ
