Տեղեկացրել էինք, որ Ամանորի շեմին ՀՀ մշակույթի նախարարության մի խումբ աշխատակիցներ աշխատանքից ազատվելու մասին դիմում են գրել, նախարարն էլ դրանք անմիջապես մակագրել է: Aravot.am-ը ՀՀ մշակույթի նախարարության ժամանակակից արվեստի վարչության պետի տեղակալ, ռեժիսոր, դերասան Արամ Գյուրջյանից հետաքրքրվեց, թե ի՞նչ պատճառով է հեռացել նախարարությունից: Ի դեպ, նրա «շեֆը»՝ վարչության պետ Սեյրանուհի Գեղամյանն էլ էր դիմում գրողների թվում:
«Իմ հիմնական մասնագիտությունը ստեղծագործական բնույթի է, ինչը վերջին երկու տարվա ընթացքում բավականին տուժեց: Առաջիկայում ստեղծագործական պլաններ կան, որոնց այս աշխատանքը խանգարում էր: Ու դիմում գրելս պայմանավորված է նրանով, որ ուզում եմ վերադառնալ այն դաշտը, որտեղ ավելի շատ եմ իմ տեղում »,- ասաց վարչության նախկին պետի նախկին տեղակալը: Նա չցանկացավ «փակագծեր» բացել իր ստեղծագործական ծրագրերի մասին. «Անակնկալ է, երբ դա հայտնի դառնա, ձեզ համար էլ հետաքրքր կլինի: Պրոդյուսինգով զբաղվող իմ գործընկերները միշտ խորհուրդ են տալիս ավելի ուշ բացել փակագծերը, որպեսզի նախագծերը դրանից ավելի շահեն: Միայն կասեմ, որ մասսայական բնույթի նախագիծ է, բայց զվարճալի չէ»:
Իսկ ի՞նչ կմաղթի մշակույթի նախարարին: «Ե՛վ նախարարին, ե՛ւ գործընկերներին, «Առավոտի» անձնակազմին ես կմաղթեմ մեծ անձնական երջանկություն: Ես քրիստոնյա մարդ եմ»:
Գոհար ՀԱԿՈԲՅԱՆ
Կարդացեք նաև
Լուսանկարը՝ heqiatfilm.com-ի
Հարգում եմ
…