Գյումրիում ծայրահեղ լարված իրավիճակը մեղմելու միակ հնարավորությունը՝ հայ ընտանիքի սպանության գործով Հայաստանի դատական ինքնիշխանության անհապաղ վերականգնումն է, որը պահանջում է.
1. Կալանավորված ՌԴ զինծառայող Պերմյակովին անհապաղ տեղափոխել ՀՀ համապատասխան կալանավայր,
2. Գործի ընդհանուր քննությունը հանձնել ՀՀ դատախազությանը, իսկ ռուս քննիչներին թույլատրել մասնակցել քննությանը միայն նվազ կարևորություն ունեցող զինվորական հանցագործությունների մասով,
3, Վերջնական մեղադրանքը պետք է ներկայացվի ՀՀ դատախազության կողմից, իսկ դատաքննությունն իրականացվի ՀՀ դատական համակարգում՝ բացառապես ՀՀ քրեական և քրեադատավարական օրենսդրության գերակայությամբ։
Կարդացեք նաև
4. Դատապարտյալը պատիժը պետք է կրի ՀՀ-ում:
Պաշտոնական Երևանի և Մոսկվայի միջև հարցը «ներքին կարգով» և անաղմուկ լուծելու փորձն արդեն իսկ տապալված է, ուստի այն օրենքի տառին ու ոգուն համաձայն լուծելը բխում է բոլոր կողմերի շահերից:
Ոստիկանության ուժերի հետ գյումրեցի ցուցարարների բախման հիմնական պատճառը իշխող վարչախմբի, մասնավորապես՝ դատախազության ծառայողական անգործությունն է և այն արդարացնելու նպատակով ցուցարարներին մոլորեցնելու, ժամանակ ձգելու անհեռատես քայլերը, որոնք հանգեցրել են զայրույթի:
Ուստի, հանրության զանգվածային բողոքով արտահայտված արդարության բնական պահանջը բավարարելու համար անհրաժեշտ է անմիջապես քայլեր ձեռնարկել հանցագործին ՀՀ պատկան մարմիններին հանձնելու և անհարկի բռնության ենթարկված անձանց ազատելու ուղղությամբ։
Վերոնշյալ պահանջները չկատարելու դեպքում, առավել արմատական զարգացումների ողջ պատասխանատվությունը կընկնի ապապետական վարչախմբի վրա։
«Հայազն» կուսակցության վարչություն
16 հունվարի 2015
