Մեխակ Գաբրիելյանի կարծիքով՝ Հայաստանի կառավարությունը դա չի իրականացնում:
«Երկրի քաղաքական կայունությունը ամենամեծ գործոնն է, որը պետք է տնտեսության զարգացմանը նպաստի»,- փետրվարի 24-ին «Նոյյան տապան» մամուլի ակումբում լրագրողների հետ հանդիպման ընթացքում ասաց ԱԺ նախկին պատգամավոր, գործարար Մեխակ Գաբրիելյանը:
Նա նշեց, որ Սովետական Միությունում Հայաստանը իր գիտաարտադրական ներուժով առաջին երեք տեղերից մեկն էր զբաղեցնում. «Այդ տարիները ցույց տվեցին, որ մեր ժողովուրդը ի վիճակի է գիտատեխնիկական բնագավառում շատ լուրջ առաջընթացի հասնել: Ցավոք սրտի, մեր վերջին 20 տարիները տեղապտույտի եւ հետընթացի ժամանակաշրջաններ են տնտեսության զարգացման առումով, այսինքն՝ Հայաստանում տնտեսական զարգացման հիմքը պետք է հանդիսանա արդյունաբերությունը: Ցավոք սրտի, արդյունաբերության բնագավառը դիտարկվեց որպես սովորական առեւտրային բնագավառ, եւ Հայաստանում ստեղծվեց վաշխառուական տնտեսություն, իսկ վաշխառուական տնտեսության իմաստը փողն արագ փողի վերածելն է»:
Պարոն Գաբրիելյանը հավելեց, որ արդյունաբերության զարգացման համար անհրաժեշտ են արտոնյալ պայմաններ, որը Հայաստանի կառավարությունը չի իրականացնում. «Մեկ տարուց ավելի է, ինչ նախագահը հայտարարել է, որ մենք միանում ենք Եվրասիական տնտեսական միությանը, ի՞նչ արեց կառավարությունն այս ընթացքում: Մինչեւ պաշտոնապես հայտարարելը պետք է հանրությանը ներկայացվեր, թե այդ միանալուց հետո մենք ինչ ենք անելու, ցավոք սրտի, մինչեւ այս պահը մենք դա չունենք»:
Կարդացեք նաև
Ամի ՉԻՉԱԿՅԱՆ
